Held það nú

Já nú hef ég öðlast fullan skilning á lungunum, að minnsta kosti minn skilning, sjáum til hvað kennarin sjúkraþjálfarinn segir um það seinna.
Ég hef líka öðlast skilning á leiðindar lögum og reglugerðum sem varða málefni fatlaðra, kynnst tvískinnungi í rekstri vistheimila sem eru ekkert nema mannréttindabrot, já og svo hef ég æft og spilað á hljómborð og gítar og sungið á tónleikum og líka kynnt tónleika.
Held það nú.
Um helgina ætla ég svo að vinna þar sem ég var hætt að vinna af því að LÍN SVÍN er að taka mig í rassgatið og heilbrigðisráðuneytið líka, ég er út***** og spinnegal.
(***** er ritskoðað af tillitssemi við blygðunarkennd móður minnar)
Hef setið við eldhúsborðið í dag eftir skóla og hlustað á Gufuna. Afskaplega lítið af bókstöfum bættust við ritgerðina leiðinlegu sem ég er að skrifa (lög og reglugerðir).
Hlustaði á Víðsjá rétt í þessu og varð hugsað til Þórdísar, annað hvort bloggar hún mikið um Víðsjá eða þetta er eitthvað fokk í undirmeðvitund minni.
Og mundi þá að ég á blogg sjálf.
Og ákvað að blogga.
Hér er bloggið.
Bæbæ.