Jomi Massage

Ég er ein fordómafullasta manneskja gagnvart danskri tónlist, hef aldrei heyrt góða tónlist koma þaðan og aldrei hefur neitt gripið mig, ekki einu sinni eitt einasta one hit wonder.
Það má eiginlega segja að ég fyrirlíti danska tónlistarsenu.
Steingelt, léleg eftirherma og hallærislegt eru orðin sem mér detta í hug þegar ég heyri danska tónlist.
Ég bjó í Danmörku í þrjú ár og leitaði endalaust að einhverju góðu því ég bara trúði því ekki að í svona mannmörku og tónlistarelskandi landi gæti enginn gert almennilega tónlist.
Það var árangurslaus leit.

En í dag hefur hið stórkostlega gerst.
Ég fann stelpu á netinu sem kallar sig Jomi Massage (eftir nuddtæki) og hún er góð!
Hér er eitt lag með henni og einsog heyra má er hún undir áhrifum frá early PJ Harvey, en er samt ekki að apa eftir henni.
Gítarinn er æðislegur og allur fílíngurinn.

Mér finnst þetta stórmerkilegt.
Þetta er gaman.