Stöff

Jamm, ég fann mér tíma í dag til að leika mér með síðuna.
Það tókst af því að ég ákvað að drekka bara einn bjór í gær á tónleikunum í Stúdentakjallaranum (I´m being good, Skátar, Retron og Jan Mayen spiluðu).
Fór heim að verða tvö stútfull af tónlistaráhrifum á meðan hitt liðið hélt áfram drykkjunni.
Aðnskotih sem þeir eru flottir í I´m being good!
Tímasetningarnar geðsjúklíngslegar, ógeðníngslega flott spilamennska.
Vaknaði svo alein í rúminu klukkan ellefu því Benni hafði drepist hjá Óla.
Og það á 6 mánaða afmælinu okkars!
En ég er svo vel gerð manneskja að ég skildi þetta alveg.
Greyins ræskillinn búinn að endasendast útum alla borg og bæ í reddingum fyrir þessa tónleika allasaman, þarf svo líka að drekka með þeim og elda ofaní þá og sýna þeim pleisið.
Ég skippaði sætsíjínginu í dag og tölvaðist á meðan, fór svo á æfingu og lét svo sækja mig í mat.
Ég er fokkíngs delúx pía.
En þó ekki svo delúx að ég komist með í bláa lónið á morgun því ég þarf að vinna.
Hmmm.
Ég ætla samt að skella mér til Keflavíkur á tónleikana á morgun með I´m being good, Ælu, Skátum og Hryðjuverki.
Er samt ekkert of spennt fyrir Keflavík eftir stúdíóvesenið þar í vor.
Ljót leið og leiðinleg að keyra.
Maður er ávarpaður á ensku í sjoppunum afþví afgreiðslufólkið þekkir mann ekki og gerir strax ráð fyrir því að mar sé hermaður.
Allir á rúntinum og snúa sig úr hálsliðum þegar nýtt andlit sést.
Frekar fríkí.
Á þriðjudaginn fæ ég samt frí í vinnunni til að taka þátt í einhverjum pilot-þætti í Sjónvarpinu.
Það gæti orðið fyndið.
Vona ég verði í liði með einhverjum stórstjörnum.
Hemma Gunn kannski.