Gerari

Ég er búin að ákveða að ég sé gerari.
Ég er viss um að ef maður segi eitthvað við sjálfa sig nógu oft þá fer maður að trúa því.
Gerari, gerari, gerari, ég er gerari, gerari gerari gerari.
Alltaf að gera og gera eitthvað.
Eftir fylleríið ógurlega á fimmtudaginn drullaði ég mér út með þynnkuna sveimandi yfir mér og inní mér, keypti allskonar kisudót sem Kisilis er alveg að fíla og sem á vonandi eftir að gera bæði hana og mig hamingjusamari sambýlinga.
Meikaði reyndar ekki að fara í box, en hitti Brúðirnar á kaffihúsi áður en við skelltum okkur á æfingu.
Erum að semja á fullu.
Gerarar.
Á laugardaginn lét ég plata mig í helvítis höll kapítalsimans í Smáranum, sótbölvaði innaní mér og tuðaði við hvert tækifæri yfir nauðugum rassaríðingum sem enginn þarna virtist taka eftir að verið væri að framkvæma á þeim.
Skottaðist svo til Skruddu og veitti blaðamanni viðtal, fór heim til mín eftir það og borðaði arabískan kjúkling sem tveir Skátar höfðu útbúið handa mér og sér og skundaði svo ropandi og með hendur á maga á Grand Rokk til að hlusta á ameríst dvergapar rúnka sér á hljóðfærunum sínum.
Æ kommon, ég nenni ekki svona "jö sjáðu hvað ég get gert skrýtið sánd með dótinu mínu".
Fólk á að gera soleiðis heima hjá sér og einungis að flytja það fyrir annað fólk þegar eitthvað stórkostlegt hefur komið útúr því.
Eða bara að sleppa þessu og rífa frekar kjaft og spila paunk.
Í morgun fór ég í box kl. 10 og svo heim til mín að hugsa upp hagkvæmar lausnir.
Í ljós kom að ég er snillingur í hagkvæmum lausnum, losaði bókahilluna mína og gerði hana að plötu og græju hillu, bjó til hillur undir bækurnar mínar og upphugsaði ódýrustu lausnina fyrir restina af bókunum mínum.
Niðurstaðan -> smart innrétting, hagkvæm og kostar ekki krónu.
Ekki bara gerari, heldur líka snillingur.
Hagfræðingur jafnvel.
Klappaði mér á bakið að því loknu og þáði kossa af Skáta, valhoppaði á Kaffibrennsluna og drakk kaffi með svenskarna, þaðan fór ég á æfingu og nú er ég heima hjá mér og moðerfokkings loksins að blogga!
Gerari segi ég.