Inní munn og uppí rass

Ég vona að Doddy verði búinn að kenna okkur aðeins um sjálfsvarnir áður en hann fær að sjá matarinntökulistann.
Því einsog ég sagði í kommentinu fyrir neðan síðustu færslu þá bættist við matarlista gærdagsins eftirfarandi:
4 sneiðar tómatbrauð með hummus (fljótandi í olíu), fetaostpaté og laxapaté, súkkulaðitertusneið með rjóma og jarðaberjum, meira kaffi og sprite, og seinna um kvöldið 4 bjórar.
En maður þarf nú orku til að boxa ekki satt?

Við Unnur, Skrudda og Bedda fórum á 11 í gær að hlýða á ómfagra tóna Ælu.
Skunduðum svo á Sirkus að sötra meira og hlusta á Sunnu kjafta í hel dónagaur sem hélt því fram að stelpur kunni ekki að tromma, án þess að nokkurntíman hafa heyrt í kvenkyns trommara og vissi ekki einu sinni hver Sheila E var.
Honum var að sjálfsögðu ráðlagt að troða kjuðunum uppí rassgatið á sér.

Gottgottgott.
Ég hlakka óumræðanlega mikið til að sýna Doddy matarlistann minn.
Í dag hef ég drukkið tvo bolla af kaffi og étið einn Þrist.