Dallas

Haldiði ekki að núna mitt í próflestrinum hafi ekki fólk bara lánað okkur fyrstu seríuna af Dallas!
Ég fleygði frá mér bókunum med det samme og lagðist í sófann.
Í fyrsta þætti fyrstu seríu kemur Bobby heim með Pamelu, nýju eiginkonuna sína og allt verður börjáuúlað. Hún er náttúrulega dóttir Digger Barnes sem Joch Ewing fór svo illa með strax í byrjun olíuborunarinnar og systir Cliff Barnes sem gerir allt sem hann getur til að skemmileggja frama og framgang Ewing Oil.
Nú, JR ætlar ekki að láta það viðgangast að iðnaðarnjósnari gangi laus á Southfork og plottar að Ray, sem sér um búgarðinn og er fyrrverandi kærasti Pamelu, fer með Pamelu í sýnisferð um landið sem endar á því að hann fleygir henni í vatn þannig að þau þurfa að koma við í kofa og fá sér heitt kakó á meðan fötin eru að þorna. Akkúrat á þessum delíkata tímapunkti (Ray var búinn að reikna þetta geðveikt vel út með því að líta á klukkuna í tíma og ótíma) mætir JR með Bobby með sér í kofann!
Nú búast allir við gráti og skilnaði en nei, ást Pamelu og Bobby er sterkari en allar samsæriskenningar því hún rýkur beint til Bobby og segir með þjósti: Hann JR bróðir þinn er að reyna að skemmileggja hjónabandið okkar og skipulagði þetta alltsaman!
Þá ætlar Bobby náttúrulega að berja JR en Pamela grípur um hnúa hans og segir, rétttilega: Hann er bróðir þinn.
Þátturinn endar á því að JR segist nú gera sér grein fyrir því að Pamela sé nú enginn aukvisi að díla við (horfir út í bláinn), hann geri ekki þau mistök aftur að vanmeta hana.