Til hamingju ég

Hvílíkur dýrðarinnar dagur.
Heilagt afmæli mitt í dag, Betty Crocker í ofninum, rigning og plúsgráður úti, súkkulaði á borðinu, tonn af skemmtilegum símhringingum, smsum og msnum í mína átt, ég ein heima búin að dansa uppí rúmi, í sturtunni, í eldhúsinu og stofunni og jú neim it inna á milli sem ég les ástarbréfið frá Benna.
Skátar þurftu endilega að velja þessa heilögu helgi til að fara uppí sveit að taka upp plötu svo ég er knúslaus en til að bæta mér það upp bauð ég fullt af yndislegu fólki til mín í kvöld.
Ef þú lesandi góður elskar mig en fékkst ekki boð frá mér, koddu þá bara til mín í kvöld.
Nú ætla ég út að kaupa hvítvín, rjóma og jarðaber.
Svo kem ég heim og dansa aðeins meira.