Hæ.
Ég er að borða núðlusúpu.
Á eftir fæ ég mér kaffi og súkkulaðiköku sem ég bakaði um daginn gvuðblessimig.
Er aðallega í því að vera þreytt og lesa og læra og skrifa á fullu.
Það ber helst að frétta að ég fór í tvö partý um helgina og drakk ekki deigan áfengan vökva, afskaplega áhugavert en ekki til eftirbreytni.
Borðaði kjúkling föstudag, laugardag og sunnudag, ekki heldur til eftirbreytni.
Sambýlismaður minn var nefndur í Fréttablaðinu sem einn mikilvægasti Íslendinga undir 35 ára aldri í fjölmiðlabransanum af því að hann er með tónlistarþátt einu sinni í viku um mússík. Ekki að ég sé að gera lítið úr honum en okkur fannst þetta báðum soldið fyndið.
Ég hugsaði upp eitthvað ógurlega fyndið og skemmtilegt orð á labbinu heim úr skólanum áðan og ætlaði að setja það ofarlega á uppáhalds orðalistann en ég er búin að gleyma því núna.
Ég er alveg ferlega sorrý svekkt og sár útí þennan kulda, ég er nefninlega hitabeltisdýr og fúnkera ekki í þessu rugli. Langar alltaf meir og meir í bíl með góðri miðstöð.
Suðræn firring.
Það held ég nú.