Big 'n' tasteless vs Glorious me

Ég jiminnaði aftur á innsoginu í kvöld þegar ég sá Geira á Maxíms sýna Hummer-hórarís-bílinn sinn í Innlit útlit áðan.
Ég veit ekki einu sinni hver spurningin mín er varðandi þennan mann.
Ef ég þyrfti að taka viðtal við hann gæti ég bara spurt: hvað er eiginlega aððér???
Kannski bæta einu innogsjiminni aftaní.

En nóg um aðra en mig.
Ég hef ákveðið að skýra daginn í dag
Dásamlegi dygðar og dugnaðar dagurinn.
Ég var alveghreint yndisleg bara.
Fór í skólann og nam Kómeníus, hjólaði heim og þreif einsog vindurinn, skellti í tvær vélar og hjólaði á Laugaveginn (gætti ítrustu varfærni við gangandi vegfarendur og bölvaði bílistum af stakri list), færði manni mínum veraldlega hluti sem hann vantaði og verslaði svo inn.
Hjólaði aftur heim og snéri ekki við eftir hálfa leið til að öskra á starsfólk Bónuss einsog mig langaði þegar gat kom á annan pokann einsog venjulega.
Las um skynjun og eldaði svo dýrindis máltíð fyrir manninn minn og mig.
Síðan hef ég legið í sófanum legu hinna réttlátu og horft á raunveruleikaþætti um kokhrausta kokka og klæðskera og minn eini efi er bað eða sturta?