Bílar og akkeri

Ég er búin að vera með bílinn hennar mömmu að láni á meðan hún hefur verið í Einglandi og á morgun kemur hún heim og þá skal hjólað.
Það var voða næs að hafa bílinn, sérstaklega í þessum flutningum og reddingum í kringum hann en það verður líka gott að vera ekki bílstjóri lengur.
Allar þessar vegaframkvæmdir eru að fara með sálartetrið, maður keyrir varla inn götu lengur án þess að óttast að maður lendi oní skurð eða verði drepinn af malbikunarmönnum.
Það er alger flækja að keyra útúr miðbænum já og svo er bensínið alveg svíndýrt.
Og af því að ég var með bíl nennti ég ekki að labba niður á Laugaveg að ná í hjólið mitt!

Annars er ég búin að setja upp nýjan sturtuhaus sem lofar góðu, ég ætla að prufukeyra hann eftir smá.
Við vorum bæði í fríi eftir hádegi í gær og mössuðum all svakalega hérna á Þorfinni og enduðum í Europris um kvöldmatarleitið í tómu tjóni og fundum gígantíska þörf fyrir að kaupa okkur sitthvort akkerið og metersháa bláa kisustyttu þar sem við fundum ekkert spennandi matarkyns.