Á röngunni

Komst að því þegar ég fór í sturtu að ég hafði klætt mig í nærbuxurnar á röngunni í morgun.
Þetta þykir mér bara vera sönnun þess að það sé ekki heillavænlegt að vakna fyrir klukkan tíu á morgnana.

Sturtan var annars alveg yndisleg, ég er mikill sturtuunnandi.
Hef aldrei flutt inn í íbúð án þess að athuga fyrst hvurs konar sturta sé þar í boði.

Og ég er hætt við að fara í bónus og smekkleysu.
Klukkan er bara orðin alltalltalltof mikið.
Benni getur bara keypt kaffið og körrípeistið og ég er tilbúin á móti að grýta kjúklingabitunum á pönnu og drekkja þeim í kókosmjólk.

Jesúsminn, er að horfa á fréttirnar og í svipmynd úr þingsal sá ég Jakob Frímann í þingmannasæti!
Jööökkk!!!
Hann er einsog úldin tuska.
Á alla vegu.
Og fífl dagsins (í dag sem og aðra daga) er Dagný framsóknarfífl.
Mein Gott ég veit ekki hvar ég á að byrja til að lýsa fyrirlitningu minni á þessari druslu.
Hún er þokkalega á röngunni, og þykir mér það verra mál en nærbuxur á röngunni.