Gera?

Ég er svo hrædd um að eftir sturtuna á eftir fari ég í of mikinn fílíng og vilji bara út í djammið.
Það er svo hætt við að ég fari á þessa kennaraskóladruslutónleika á Gauk á stöng.
Ég senti Benna af stað áðan með þeim orðum að ég ætlaði sko öngvanvegin að vera þunn þessa helgi og ég er þreytt og mig langar bara til að horfa á vídeó og far þú bara og hugsaðu til mín þegar þú ert þunnur í vinnunni á morgun en ég geðveikt fersk heima að sprikla á náttfötunum.
En núna langar mig ekkert til að horfa á vídeó.
Leigði mér ekki einu sinni mynd.
Horfði á Hitchock myndina áðan með öðru auganu, var aðallega að brjóta heilann um hvaða plötu mig langaði að hlusta á.
Plötusafnið hérna er of stórt til að ég nenni að fletta í gegnum það.
Og það eina sem mig langar að hlusta á er Hard Candy Christmas með Dolly, og þá á ég það að sjálfsögðu ekki.
Verð að hlusta á eitthvað dramatískt og melódískt sem er þó með einhverjum hamingjutón í.
Er samt ekki að fatta hvað það gæti verið.
Annað en Dolly.
En núna var ég að heyra að Fræbbblarnir ætli að troða upp á þessu kennaraskóladruslugiggi og þá langar mig soldið að fara.
Langar líka að hitta fólk.
Gvu það var svo skemmtileg tilviljun á tónleikunum okkar í gær, við uppgötvuðum að Brúðarbandið var stofnað á 25 ára afmæli Fræbbblanna!
Þannig að giggið varð óvart tvöfalt afmæli.
Alveg óvart.
Sætt.
Ég er farin í sturtu og svo taka bara örlögin völdin.