Keðjuverkandi delúxus vandamál

Já, þegar maður býr í íbúð sem er troðfull af geisladiskum og plötum og þar af 90 prósent gott stöff, getur stundum verið erfitt að velja hvað á að fara á fóninn.
Valkvíði.
Í dag ákvað ég að skella mér á eina hrúgu og finna þar eitthvað skemmtilegt.
Í henni var m.a. nýjasta múm og ég ákvað að skella henni í því ég hef ekki hlustað á hana.
Hlustaði á fyrsta lagið í 20 sekúndur og slökkti.
Boring.
Lokaði augunum og fann að mig langaði mest að hlusta á Bonnie Prince Billy.
Fann hann ekki.
Fór í gamla búnkann minn í hillunni, orðin eirðarlaus og pirruð, tók fram Lisa Ekdahl þó mig langaði ekkert að hlusta á hana og setti hana í.
Sænska.
Nammi.
Fór í minesweeper og söng með.
Nú langar mig í einhverja sænska bók að lesa.
Veit bara ekki hvaða.
Kan någon tipsa mig?
Er að skoða böcker á Aftonbladet.
Mikael Niemi er kominn með
nýja bók.
Og búið að gera mynd eftir Populär musik från Vittula.
Tvö ár þangað til hún kemur hingað líklega.
Ef hún kemur.
Ppfrrfff...
Kannski ég drattist á bókasafnið í Norræna húsinu og finni mér lesefni.
Hefur einhver lesið Gömda eða Asyl eftir Lisa Marklund?