Fökkíngs hamíngja

Kom heim á laugardagskvöldið eftir tíu daga í stúdíóinu og hef mest verið í rúminu síðan.
Ekkert veik, bara löt og að njóta þess að þurfa ekki að gera neitt.
Kíkti að vísu á tónleika laugardagskvöldið í Stúdentakjallaranum, en þar voru eðalböndin Skátar, Retron, Jan Mayen og Glasamar further than far far að spela skemmtilega mússík.
Eftir einn bjór var ég komin með heimþrá.
Hef mikið fundið fyrir heimþrá þær stuttu stundir sem ég hef yfirgefið íbúðina mína þessa tvo daga.
Fór samt á Brúðarbandsfund í kvöld án þess að finna fyrir heimþrá.
Hjá þeim er ég heima.
Fundurinn var líka haldinn á fyrrum heimili mínu, sjálfum Dömustöðum.
Fór útá svalir að reykja og horfa á slökkviliðsstöðina í nostalgíu á meðan hinn gítarleikarinn aflitaði hárið á harmónikkuleikaranum.
Gúdd stöff.
Núna ætla ég að leggjast uppí sófa oná strák með kött við hlið mér og horfa á Fugazi vídjó.
Við erum búin að gefast upp á að bíða eftir að sjá aftur vídjóvið með Ceres 4 á popptíví. Synd og skömm alveg því það er hin fínasta skemmtun.