Að öðru skemmtilegra

Við spiluðum í brúðkaupi Beddu og Hannesar á laugardaginn, það var ekkert smá gaman.
Þau brúðhjónin voru alveg gloríus falleg og í mögnuðu stuði og veislan var mjög afslöppuð og skemmtileg.
Bedda fékk að ákveða playlistann okkar og var búin að æfa með okkur tvö lög sem var algert leyndó.
Þannig að eftir að við höfðum spilað tvö lög kölluðum við áttundu brúðina á svið og við tókum Because the night sem Bedda söng af stakri snilld við öskrandi undirtektir.
Svo vorum við búnar að breyta textanum við Lagið um Jón og hét það nú Hannes og Bedda söng það líka.
Ekki þurrt auga í salnum.
Vonandi fáum við myndir af þessu bráðlega.

Eftir veisluna fórum við dömurnar í karókí að venju og tókum með okkur tvo rótara.
Unaðsleg skemmtan sem ég þurfti að yfirgefa um klukkan 3 af því að ég og rótarinn minn þurftum að mæta í vinnu daginn eftir.
En þegar ég var við það að labba út var nafn mitt kallað og ég fékk að syngja What a feeling, sem var mjööög heppilegt því ég var einmitt nýbúin að æfa Flashdance-dansinn.