Það liggur við að ég grípi í skeið og hámi í mig strausykri beint úr pokanum.
Ég, sem húsmóðir á eigin heimili, gapi í forundran yfir lélegri innkaupamennsku minni sem húsmóðir.
Ég hefði haldið að nú loksins þegar ég er farin að halda heimili alein og sjálf að ég myndi passa uppá það að eiga alltaf nóg af súkkulaði í öllum hornum og skotum.
En svo er ekki og ég á ekki eitt aukatekið orð yfir lélegum húsrekstri mínum.

En að öðrum málum og merkilegri -- aðdáendur Brúðarbandsins geta nú stokkið hæð sína og gólað glaðlega, því að á föstudaginn verðum við vaðandi í fjölmiðlum Ízlenzka lýðveldisins.
Við munum prýða eina blaðsíðu DéVaffs aukinheldur sem við munum spila nokkur lög læf í Popplandi á Rás 2 klukkan 3.
Tjún in.
Ég hlakka ýkt geðveikt til að sjá fyrirsögn Dévaffs á greininni, er spennt að vita hvort þeir geti toppað hommafyrirsögnina... hvurnig var hún nú aftur... æji ég er búin að setja það blað undir kattasandinn...
Eitthvað um homma í Eurovision.
En það er enginn hommi í Brúðarbandinu.
Breimandi breddur í brúðarkjólum kannski.

Svo erum við auðvitað að spila á GrandRokk á laugardaginn uppúr kl. 22.
Jöminnjá, þá verðum við með Brúðarbandsboli til sölu, aaaaaagalega smarta boli á litlar 1500 krónur íslenzkar.