Graða angistin

Hehe, skemmtilegt tips í gestabókinni frá sænskri stúlku; mín káta angist útleggst á sænsku graða angistin mín...
Kåt þýðir gredda, ångest er angist.
Mín káta angist versus mín graða angist.
Potato póteitó.

En nú sit ég hér á Beyglustöðum og er búin að lofta út og setja ajax í tappa bakvið sófann.
Brúðarbandsdömur voru hér í gær og við sátum og saumuðum í, nokkuð sem ég efast um að strákahljómsveitir standi í á föstudagskvöldum.
En við þurftum að fá smá glamúr í slörin okkar fyrir komandi gigg (í fleirtölu), perlur og blíngblíng útum allt.
Virum so grand.

Sunna og Kókó fóru í dag að kaupa skinn á trommurnar og Andrés í Tónastöðinni skúbbaði því að hann væri að spá í að flytja inn Daisy gítara!!!
Draumurinn bara að rætast.

En vitiði bara kvah....
ég var bara nánast edrú í gær og fór samt á smá pöbbarölt!
Kíkti á Kaffibarinn og fannst það bara rugl.
Strákarnir sem mar mætti þar inni önguðu af rakspíra og ælu, sem er ekki góð blanda og öngvan vegin vænleg til veiða.
Svo fórum við á Næsta bar að smooth-talka Bigga til að taka upp demó með Brúðarbandinu (vel lukkað smúþtolk), en öngvir fullir kallar keyptu handa okkur drykki (þó einn fourty-something hafi blikkað mig) þannig að sá bar fór beinustu leið í rugl-katagóríuna líka.

Ætlum að æfa vel og lengi í kvöld, og á morgun.
Og á mánudaginn förum við í sjónvarpsupptöku.
Girlieband Íslenska lýðveldisins is on a roll...